منتدى المزبار
عزيزي الزائر اذا كنت غيرمسجل في المنتدى نرجو منك التسجيل وننتظر تسجيلكم ومشاركاتكم وتفاعلكم فمرحباً بك بين إخوانك
ونسأل الله لك التوفيق والنجاح والتميز**

منتدى المزبار

أهلا وسهلا بكم في منتدى المزبار
 
الرئيسيةلائحة الاعلاناتالتسجيلدخول

شاطر | 
 

 ليت العرب عند المـــفازيـــع ؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر
avatar


مُساهمةموضوع: ليت العرب عند المـــفازيـــع ؟؟؟؟   السبت يناير 16, 2010 9:00 am

مسائكـــم شعـــر,,,
أتيت لكم بقصيدة للشاعر والروائــي الكبير فواز بن غسلان
في مدح قبيلة عتيبة
وقد لاقت هذه القصيدة صدى كبيرا ورد عليها العديد من شعراء عتيبة
أترككم مع القصيدة....

من طاح ماحولـه مـن النـاس عتبـان
او يسـمـعـه رجـــلٍ خـوالــه عتـيـبـه
فهو طايح رجواهـ في كآن ماكـــــان
يلقى الفـزع والا حدر في مصيبـــــة
شهآدة يشهـد عليها ابن غســـلان
ومن كان وسط الناس يدري نصيبــه
من عقب مآخاويت عالم وعربـــــــان
شباب واللي لاح بالوجــه شيبــــه
ولقيت بالعربان زووود ونقصــــــــان
مثـل الخيول ملافحات السبيبـــــه


لكــن سنام أهل الفزايـع والأكــوان
وأهل المواقف بالوقوت0العصيبــــة
في روق مع برقـــا صواريم عدنــان
اللي بوقت الكون تجــدع حريبـــــــه
لاصاح صيــاح الأجاويـد بلشــــــان
وبيبان حـل القوم ماهــي قريبــــــة
يشكي دروب به ثمانين شيطــــان
وجرح عجـز ياصل حراوي طبيبـــــــه
ونخواه ضاعت بالهواء تقل دخــــان
مع عاصف بالصيف يدفن قليبــــــــه
ياكثر من يبقى من الناص نعسـآن
أو قال بلشات العرب وش نبي بــه

الا العتيبي ينفجـر فيه بركــــــان
وكبده على الفزعات يقدح لهيبـــــه
أصغرهـم اللي بافزع طير حورآآن
والا تشوفه مثل سرحـــان ذيبـــــه
حاديـه طيب عايشـه طول الأزمان
مع وآلد يشـفق لطيبـه نسيبــــــه
وقلب بموج الطيب يسقيـه شريان
وجيل قديم شاع بالناس طيبـــــــه
شبابهم تغني عن الناس شيبان
وجنودهم فاقت مرآتب نقيبــــــــه
ولاطاع بدروب الردى نصـح كوبــان
والطيب لامطمـع ولاهو غصيبـــــه
لاشكـ ماله بالمهاريب بيبـــــان
ونفس تشوف الهـون عآآر ومعيبـــه

والناس كله بالفراغــات شجعـــان
وتسمع هروج بالخلايق عجيبــــه
والكود لطبوع المخاليق ميــزان
لاقام وقت الكــود يقرى خطيبـــــه
يظهـر لكـ اللي يحتمي تال الأظعان
ويمناه تغنـي عن جيوش وكتيبــــه
يذري عن الشده ضعافـى ويتمـان
ورجل وقع بالناس ساقـه حطيبــه
ونسـل الردى يبنى مخابي وجدران
ويشرب من دلال الفزايــع سريبـه
من لاذ به في ساعـة الكود خسران
ويابعد مشرق شمسها عن مغيبــه

ولالـي مع العتبان مطمـع وخـلان
لاشكـ جحد الطيب يانآس خيبــــــه
وأنا أشهد انه بالفزع شانهم شان
ومن يجحد أهل الطيب ربي حسيبـه
وليت العرب عنـد المفازيع عتبـان
وياقرب طيب اللي خوآله عتيبـــــه

دون قاصر بالشعوب ودون قاصر بالقبائل ,,



تحياتي""
الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: ليت العرب عند المـــفازيـــع ؟؟؟؟   الأحد يناير 17, 2010 2:19 am

صح لسان الشاعر فواز وقبيله عتيبه تستاهل

يسلمؤؤؤؤؤؤؤؤؤ جورري
الرجوع الى أعلى الصفحة اذهب الى الأسفل
 
ليت العرب عند المـــفازيـــع ؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى المزبار :: منتدى الأدب والثقافة والفنون :: الشعر المنقول-
انتقل الى: